مناحي الثالث
20-06-2006, 01:34 م
ذكريـات زواجـــــي
اول ماخطبتها أمي أتصلت علي وحده من خواتي وقالت لي انت شفتها؟ قلت لا والله بس ودي اشوفها ..قالت لاتشوفها ولاشي تراها نسخه من نجاح الموجي وصكت السماعه..
طبعا انتم ماتدرون وش ردة فعلي يوم قالت لي انها تشبه نجاح الموجي خصوصا وان الخطبة تمت...
طرت من الفرحه وقعدت أطامر (راح بالي لنجاح المسيعيد )
جت في بالي اني اهديها صباحتها يوم الزواج (نعال زبيريه ) بس خواتي اقترحوا اني اعطيها(جوال) كهديه خاصتن وانها ماعندها جوال..
وقبل الزواج بيومين رحت لمحلات الاتصالات وطلعت لها رقم مميز وشريت لها جهاز جوال نوكيا دفعت فيه دم قلبي لعنبو بليسهم كل شوي يطلعون لنا موديل جديد بس كله يهون عشان شريكة حياتي ملاك عمري بعد دنيتي زوجتي الحبيبه
<<==واحد ذروق سمع حسها وهي تمر جنب الغرفه
رحت لبيت الهديه وخذيت لي بوكس للهديه وعبيته ورد مجفف وحطيت فيه الجوال وغلفته تغليفه لونها أحمر غامق مطفي معتق يقطر رومانسيه من شاب رومانسي ذوق مثلي
في الصباحيه حطيت الهدية فوق طاولة غرفة النوم اللي في السويت حق الاوتيل عشان اذا قامت من النوم تكون مفاجأه لها..
يوم صحيت من النوم لقيتها قاعده قدام التلفزيون وهي تحاول تفك الجوال بضروسها...سألتها وش فيتس ؟ ..قالت الظاهر ان ذا الريموت قاضي حجره مهوب يشغل التلفزيون... وفقيت انا خشتي وقعدت أضحك وانا اقول في نفسي الحمدلله لك يارب رزقتني بوحده خفيفة دم
قلت حلوه ريموت هاهاها (والله اني سبهه على نياتي)
ومادريت الا وهي راميه الجوال باقوى ماعندها وتصكه في الجدار (بأسلوب يدل على انها يمين والانوثه موب يسار بس الا خارج المجرة الفضائيه... ياحبيبي شعبان عبدالرحيم فيه انوثه أكثر منها..!!)
..وقالت لاتتحسف على ذا الريموت عشاني كسرته الظاهر انه خربان أصلا شف كرتونه طاقته الشمس (تقصد تعتيق التغليفه) ورفعت صوتها وقالت صراحه أصلا انا ما ارتحت لذي الشقه من يوم شفت ان مافيها حوش وانا متشائمه منها وين انشر الغسيل فيه؟واذا جبنا عيال وين يلعبون فيه؟؟! ماغير غريفه وصاله ..وفشيله بعد وين نقلط الضيوف فيه؟(تحسب السويت لنا)
انا فقيت خشتي من جد وطارت بوهتي أثر ذي الــ تتكلم من جد (ياحسافة التغليفه اللي بميه وخمسين ريال ولا مبخشش السوري ريالين و الرقم المميز ياحسافته عليها ياليتني معطيها سيريل نمبر ثلاجه أصرف... ولا من زين الطبع ماخذ لها جوال برج العرب هذي وجهها وجه برج عرب ذي حدها المشتل وتخب)
قلت يارب اني احلم... وأحط يديني على خدودي وأهز راسي وانا اقول لئَه لئّه مش ممكن كل ده يحصل لي في صباحية زواجي اكيد أنا بحلم .. وقلت خلني بس بروح أغسل وجهي واتعوذ من أبليس قبل لا اتوطى في بطن هالـــ أصلا انا من يوم شفت اللانجري اللي لابسته وانا غاسل يدي منها(لابسه صروال خط البلده وبلوفر صوف ومن زين الطبع حاطة روج احمر ومحددته بلون بني )
دخلت الحمام و لقيت كرسي البيديه شغال و مويته تصك في السقف قلت تعالي.. وراك ماصكيتي المويه؟ قالت الا انت وشوله حاط نافوره في الحمام؟ ياحبك للخساير بس...!! لو بقيمتها مسدد مهري كاش مهوب أحسن من انك تقسطه على ابوي؟؟! (طلعت الفضايح )
بس تصدق اني حسبتها براده اول ماشفتها ؟؟.. (طارت عيوني وقلت الله يحوم كبدك يالـــ لاتكونين شربتي منها؟) قالت لا وش شايفني تحسب اني ما افهم؟ قلت أشوى وتنهدت شوي وطمنت راسي بس قالت :
تراني شربت من الحوض اللي جنبه
رحت لبيت اهلي الساعه تسع الصبح أبي اسلم عليهم انا ويا هالــ قبل لا نروح للمطار
وانا طول الطريق لبيت أهلي قاعد أعلمها وشلون تستخدم الجوال عشان ماتفشلني عند اهلي وحريم أخواني ويوم وصلنا وقبل لاتدخل باب الحريم قالت لي اذا خلصت اتصل على موبايلي عشان اطلع لك(أخس اللي يسمعها يحسبها مولوده ومشبوك في سرها شاحن جوال ..أقطع يدي اذا ماكان أهل هالصعيديه قاطعين سرها بساطور)
قلت المهم لاتتأخرين عشان ماتفوتنا الرحله ترى الطياره تقلع الساعه 12(وانا اقول في نفسي ورا ما اروح بلحالي واخليها بس)
عقب ماخلصت قهوه دقيت على جوالها وعطاني مشغول وكل شوي أدق ويعطيني مشغول جلست ساعه ادقدق عليها وجوالها مشغول(وابوي يدق معي من جواله يبيني أمشي مل مني ) والوقت يمضي والنكهة تبقى مابقى على رحلتي شي وذي الخرجيه عجزت أصيدها بالتلفون ومادريت الا امي تدخل علينا وقلت جابتس الله يمه نادي لي عقوبتي خليها تطلع قالت والله ياولدي اني مالقيت فرصه احتسي معها من يوم جيتوا ماعطتنا وجه طول وقتها تكلم بهالجوال ولا ادري منهي تكلم وكني اسمع حس رجال طول وقته يكلمها(انا عصبت وأخذت الغيره تغلي في عروقي _لاتغلي ولاشي بس فرصه القى لي عذر اذبحها عشانه... واقمز لمجلس الحريم والقاها منسدحه على ظهرها ورافعه رجولها فوق المركه وتحرك جديلتها بيدها اليسار على شكل دائري كنها تحرك سبحه وهي ماسكه الجوال بيدها اليمين وهي تكركر ضحك وتقول هذا صوتك من عرفتك ماتغير ابد ماشاء الله عليك وشلون حفظت هالكلام بس؟؟! ...وخواتي يطالعونها وعيونهم مبققه مصطغربات والقط السماعه منها واحط الجوال في اذني بشوف من تكلم لاني اعرف ابوها ماعنده جوال واقول من انت ياحيوان؟؟؟!!
واسمع صوت رجال يقول : عند الاشاره تكون الساعه الحادية عشر صباحا وعشرين دقيقهً....
واذكر موعد رحلتي واجرها مع شوشتها واشيلها ابي اركبها السياره بالغصب ويوم ركبنا السياره قالت لي وراك تركبني كذا قدام أهلك؟؟ (قلت في نفسي مسيكينه جرحت مشاعرها وحسيت بتأنيب ضمير وتلعثمت في الكلام مدري وش أقولها ابي اراضيها واوسع صدرها) وما امداني اتكلم الا قالت لي وهي تتبسم واطراف سنونها الأماميه تبرز من تحت الغطوة:
صراحه أستحيت خفت ينظلونا (تحسبني أدلعها...!!)
(قعدت أتلفت وفيني الصيحه من القهر ادور تريله في الخط ابي أقوم بعمليه فدائيه اذبح فيها هالخرجيه اللي تورطت فيها بس القهر ان الخط فاضي)
الرحله فاتتنا ورجعنا البيت
علوموني وش اسوي يا أهل الخبره اطلقها والا اصبر على هالعقوبه
اول ماخطبتها أمي أتصلت علي وحده من خواتي وقالت لي انت شفتها؟ قلت لا والله بس ودي اشوفها ..قالت لاتشوفها ولاشي تراها نسخه من نجاح الموجي وصكت السماعه..
طبعا انتم ماتدرون وش ردة فعلي يوم قالت لي انها تشبه نجاح الموجي خصوصا وان الخطبة تمت...
طرت من الفرحه وقعدت أطامر (راح بالي لنجاح المسيعيد )
جت في بالي اني اهديها صباحتها يوم الزواج (نعال زبيريه ) بس خواتي اقترحوا اني اعطيها(جوال) كهديه خاصتن وانها ماعندها جوال..
وقبل الزواج بيومين رحت لمحلات الاتصالات وطلعت لها رقم مميز وشريت لها جهاز جوال نوكيا دفعت فيه دم قلبي لعنبو بليسهم كل شوي يطلعون لنا موديل جديد بس كله يهون عشان شريكة حياتي ملاك عمري بعد دنيتي زوجتي الحبيبه
<<==واحد ذروق سمع حسها وهي تمر جنب الغرفه
رحت لبيت الهديه وخذيت لي بوكس للهديه وعبيته ورد مجفف وحطيت فيه الجوال وغلفته تغليفه لونها أحمر غامق مطفي معتق يقطر رومانسيه من شاب رومانسي ذوق مثلي
في الصباحيه حطيت الهدية فوق طاولة غرفة النوم اللي في السويت حق الاوتيل عشان اذا قامت من النوم تكون مفاجأه لها..
يوم صحيت من النوم لقيتها قاعده قدام التلفزيون وهي تحاول تفك الجوال بضروسها...سألتها وش فيتس ؟ ..قالت الظاهر ان ذا الريموت قاضي حجره مهوب يشغل التلفزيون... وفقيت انا خشتي وقعدت أضحك وانا اقول في نفسي الحمدلله لك يارب رزقتني بوحده خفيفة دم
قلت حلوه ريموت هاهاها (والله اني سبهه على نياتي)
ومادريت الا وهي راميه الجوال باقوى ماعندها وتصكه في الجدار (بأسلوب يدل على انها يمين والانوثه موب يسار بس الا خارج المجرة الفضائيه... ياحبيبي شعبان عبدالرحيم فيه انوثه أكثر منها..!!)
..وقالت لاتتحسف على ذا الريموت عشاني كسرته الظاهر انه خربان أصلا شف كرتونه طاقته الشمس (تقصد تعتيق التغليفه) ورفعت صوتها وقالت صراحه أصلا انا ما ارتحت لذي الشقه من يوم شفت ان مافيها حوش وانا متشائمه منها وين انشر الغسيل فيه؟واذا جبنا عيال وين يلعبون فيه؟؟! ماغير غريفه وصاله ..وفشيله بعد وين نقلط الضيوف فيه؟(تحسب السويت لنا)
انا فقيت خشتي من جد وطارت بوهتي أثر ذي الــ تتكلم من جد (ياحسافة التغليفه اللي بميه وخمسين ريال ولا مبخشش السوري ريالين و الرقم المميز ياحسافته عليها ياليتني معطيها سيريل نمبر ثلاجه أصرف... ولا من زين الطبع ماخذ لها جوال برج العرب هذي وجهها وجه برج عرب ذي حدها المشتل وتخب)
قلت يارب اني احلم... وأحط يديني على خدودي وأهز راسي وانا اقول لئَه لئّه مش ممكن كل ده يحصل لي في صباحية زواجي اكيد أنا بحلم .. وقلت خلني بس بروح أغسل وجهي واتعوذ من أبليس قبل لا اتوطى في بطن هالـــ أصلا انا من يوم شفت اللانجري اللي لابسته وانا غاسل يدي منها(لابسه صروال خط البلده وبلوفر صوف ومن زين الطبع حاطة روج احمر ومحددته بلون بني )
دخلت الحمام و لقيت كرسي البيديه شغال و مويته تصك في السقف قلت تعالي.. وراك ماصكيتي المويه؟ قالت الا انت وشوله حاط نافوره في الحمام؟ ياحبك للخساير بس...!! لو بقيمتها مسدد مهري كاش مهوب أحسن من انك تقسطه على ابوي؟؟! (طلعت الفضايح )
بس تصدق اني حسبتها براده اول ماشفتها ؟؟.. (طارت عيوني وقلت الله يحوم كبدك يالـــ لاتكونين شربتي منها؟) قالت لا وش شايفني تحسب اني ما افهم؟ قلت أشوى وتنهدت شوي وطمنت راسي بس قالت :
تراني شربت من الحوض اللي جنبه
رحت لبيت اهلي الساعه تسع الصبح أبي اسلم عليهم انا ويا هالــ قبل لا نروح للمطار
وانا طول الطريق لبيت أهلي قاعد أعلمها وشلون تستخدم الجوال عشان ماتفشلني عند اهلي وحريم أخواني ويوم وصلنا وقبل لاتدخل باب الحريم قالت لي اذا خلصت اتصل على موبايلي عشان اطلع لك(أخس اللي يسمعها يحسبها مولوده ومشبوك في سرها شاحن جوال ..أقطع يدي اذا ماكان أهل هالصعيديه قاطعين سرها بساطور)
قلت المهم لاتتأخرين عشان ماتفوتنا الرحله ترى الطياره تقلع الساعه 12(وانا اقول في نفسي ورا ما اروح بلحالي واخليها بس)
عقب ماخلصت قهوه دقيت على جوالها وعطاني مشغول وكل شوي أدق ويعطيني مشغول جلست ساعه ادقدق عليها وجوالها مشغول(وابوي يدق معي من جواله يبيني أمشي مل مني ) والوقت يمضي والنكهة تبقى مابقى على رحلتي شي وذي الخرجيه عجزت أصيدها بالتلفون ومادريت الا امي تدخل علينا وقلت جابتس الله يمه نادي لي عقوبتي خليها تطلع قالت والله ياولدي اني مالقيت فرصه احتسي معها من يوم جيتوا ماعطتنا وجه طول وقتها تكلم بهالجوال ولا ادري منهي تكلم وكني اسمع حس رجال طول وقته يكلمها(انا عصبت وأخذت الغيره تغلي في عروقي _لاتغلي ولاشي بس فرصه القى لي عذر اذبحها عشانه... واقمز لمجلس الحريم والقاها منسدحه على ظهرها ورافعه رجولها فوق المركه وتحرك جديلتها بيدها اليسار على شكل دائري كنها تحرك سبحه وهي ماسكه الجوال بيدها اليمين وهي تكركر ضحك وتقول هذا صوتك من عرفتك ماتغير ابد ماشاء الله عليك وشلون حفظت هالكلام بس؟؟! ...وخواتي يطالعونها وعيونهم مبققه مصطغربات والقط السماعه منها واحط الجوال في اذني بشوف من تكلم لاني اعرف ابوها ماعنده جوال واقول من انت ياحيوان؟؟؟!!
واسمع صوت رجال يقول : عند الاشاره تكون الساعه الحادية عشر صباحا وعشرين دقيقهً....
واذكر موعد رحلتي واجرها مع شوشتها واشيلها ابي اركبها السياره بالغصب ويوم ركبنا السياره قالت لي وراك تركبني كذا قدام أهلك؟؟ (قلت في نفسي مسيكينه جرحت مشاعرها وحسيت بتأنيب ضمير وتلعثمت في الكلام مدري وش أقولها ابي اراضيها واوسع صدرها) وما امداني اتكلم الا قالت لي وهي تتبسم واطراف سنونها الأماميه تبرز من تحت الغطوة:
صراحه أستحيت خفت ينظلونا (تحسبني أدلعها...!!)
(قعدت أتلفت وفيني الصيحه من القهر ادور تريله في الخط ابي أقوم بعمليه فدائيه اذبح فيها هالخرجيه اللي تورطت فيها بس القهر ان الخط فاضي)
الرحله فاتتنا ورجعنا البيت
علوموني وش اسوي يا أهل الخبره اطلقها والا اصبر على هالعقوبه